Life

Papa Mein Choti Se Badi Ho Gayi Kyun

Papa mein choti se badi ho gayi kyun

Kal hi toh seekha tha apke aangan mein chalna meine,

abhi kal hi toh seekha tha bolna meine,

jab apke hanthon mein chup jate the mere chote se dono hanth.

Aaj ja rahin hun ek naye aangan ko sajane,

aaj apne hanthon ki mehendi se,

ja rahin hun ek naye ghar ko mehkane.

Aaj lagta hai samay beet gaya itni jaldi kyun?

Papa mein choti se badi ho gayi kyun?

 

Hoti thi mere din ki subah hi jab maa se,

karte shaitani gujarta tha din,

jab raat ka matlab hota tha sunna pariyon ki kahani baba-dadi se,

jab seemit thi meri duniya gudde, gudiyon mein bas.

Aaj unki pari ko bhi leja raha hai ek rajkumar,

Ab ja rahin hun basane apni duniya,

jahan subah ka matlab ab hoga ek naya din.

 

Par apke liye hamesha mein apki choti si pari hi hun.

Bas sochti hun, Kuch din aur reh jati mein apke pass.

Mujhe bhejne ki itni jaldi thi kyun?     

Papa Mein Choti se Badi ho Gayi Kyun…?

Author: rashi mital

A mother and a travel enthusiast, I love speed and am proud of my driving skills. In my free time I love reading, writing, and sometimes doing nothing. I try to live every moment and believe in living young despite the age.

Leave a Reply

Your email address will not be published. Required fields are marked *